ዛዛሚ ርእይቶ መጽሓፍ ሮዛን ሰሌን

ዝኸበርኩም ተኸታተልቲ ዛራ ጥበባት፡ እታ ንኣስታት ክልተ ዓመት ንልዕሊ 120 ክፋላት ዝቐጸለት መጽሓፍ ሮዛን ሰሌን ኣብዚ ተዛዚማላ። ደራሲ እዛ መጽሓፍ ገዲም ተጋዳላይ ህዝባዊ ግንባር ሕጂ ኣብ ስደት ኣብ ሃገረ ነርወይ ዝርከብ ኣቶ እስጢፋኖስ ገብረሚካኤል (ሃንችባክ) ኮይኑ እስጢፋኖስ ብዘይካ መጽሓፍ ሮዛን ሰሌን ካልኦት ክልተ መጻሓፍቲ ማለት ሓኔታ እትብል ትርጉምን መቓብር ህልዋት ዝተሰምየት ካልእ ዓባይ መጽሓፍን ናብ ኣንበብቲ ዘቕረበ ጸሓፊ’ዩ። እስጢፋኖስ ነዛ መጽሓፉ ኣብ ዛራ ጥበባት ንኣንበበቲ ብናጻ ከንብብዋ ምፍቃዱን ከምኡን ንምጥቅዑ ብዝጥዕም በብምዕራፉ እናዳለወ ከይተሓለለ ቢኢመይል እናለኣኸ ነዚ ዝርግሐ ዕዉት ክኸውን ምግባሩ ብስም ተኸታተልቲ ዛራ ጥበባት ምስግና ነቕርበሉ።  ኩቡራት ኣነበብቲ ኣብ ዝቕጽል ብኻልእ ተኸታታሊ ዛንታ ክሳዕ ንራኸብ ኣብ መጽሓፍ ሮዛን ሰሌን ዘለኩም ርእይቶ ይኹን ናብ ደራሲ እስጢፋኖስ ገብረሚካኤል ከተመሓላልፍዎ ትደልዩ መልኽእቲ ኣብ ትሕቲ እዚ ጽሑፍ ርእይቶኹም ከተስፍሩ ከም ትኽእሉ ብትሕትና ንሕበር። ደጊምና ንኣቶ እስጢፋኖስ ብርዕኻ ኣይንጸፍ ሓሳብካ ይሰስን ንብሎ !!
 ን