ዘንጊ ሓቂ

ዓሰርተ ሓሙሸተ’ዮም ኢሎምዎም:

ሽሕ ዕጽፍታት’ዚ ቍጽሪ ክነሶም፣

ሓመድ ተነጺፎም ተተርኢሶም እምኒ:

ቃላቶም ዕንጋሎ ከርሲ: ‘ትረፍ ንእዝኒ።

ፈሊጦም፤ ስጋ ሓላፊ ስም ተራፊ:

ንጎድኖም ክደልዩሉ ቈጽሊ መዕረፊ:

ነታ ዘንጊ ሓቂ ክዀኑ ምርኵሳ

ብቝሊ ቅንዕናኦም ተባሂሉ ኣበሳ።

ገለ ይብሉ: “ኣጐምጅዩዎም ኰረሻ፣

ኣይጸሓፉን: ከብዲ ብትኳቦ ከሪሻ።”

ብዓል ኣደይ’ሞ መን’ዩ ዝብለን ዓሻ።

III

ቍንጣሮ ባይቶ ድፉናት ኣእምሮ

ብስምና ርሂጾም ኣብቲ ቅበሮ-ቕበሮ:

ከም ዘይሞትና ንምግታር ጽላል ርትዒ

ቀዲምካ ምባል ‘ሓባል’ ገይሮሞ ፍትሒ።

ምስ ተበሳሰዐ ለቖታ ናይ ሓሶት ስንቂ

ክትስውድ’ያ ’ታ ዘይትስበር ዘንጊ ሓቂ፣

ክንደይ ኮን ወልደፍ ክትብልያ ሓሶት ሓዊሳ

ከም ሰገን ነብሳ ደገ: ቀቢራ ኣብ ሑጻ ርእሳ᎒

ኢለን ዳዊት

2 ሕዳር: 2012

ተልእኾይ ናብ ኣቢሲንያ