መጽሓፍ ሮዛን ሰሌን

ወትሩ ረቡዕን ሰንበትን ኣብ ሰኪዔት ሓበሬታ ዛራ ጥበባት

ሮዛን ሰሌን እትብል መጽሓፍ ብደራሲ እስጢፋኖስ ገብረሚካኤል ኣብ ማእሰርቲ ማእከላይ መርመራ ገበን ኣስመራ ኣብ ዝነበረሉ ግዜ ተደሪሳ ቀዳማይ ክፋል ኣብ መጀመርያ 2003፡ 2ይ ክፋል ድማ ኣብ 2004 ተሓቲማ። ቴማ ናይታ መጽሓፍ ኣብ ፍቕሪ እምነት ኣብ ሰውራ ድማ ጽንዓት ክህሉ ኣለዎ ኣብ ዝብል ነጥቢ ዝተሰረተ ኮይኑ፡ ብዛንታ ናይ ክልተ መንእሰያት ፍቑራት ጀሚራ ንብዙሕ መዳያት ህይወት ኤርትራውያን ኣብ ስሳታት ትትንክፍ። ብፍላይ እዚ ናይ ሕጂ ወለዶ ቅድሚ ኣርባዓ ሓምሳ ዓመት ዝነበረ ህይወት መንእሰይ ንኽፈልጥ ሓጋዚት ከም ዝኾነት ይፍለጥ። ብተወሳኺ ኣብ ሜዳ (ህግሓኤ) ዝነበረ ኣሉታውን እወታውን መዳይ ህይወት ተጋደልቲ፡ ኣብ ትሕቲ ደርግ ዝነበረ ህይወት መንእሰይን ብመጠኑ ትተናኽፍ። ልዕሊ ዅሉ ግን ኣብ ፍትሕን ማሕበራዊ ህይወትን ጸቒጣ እትትርኽ ኣስታት 700 ገጽ ዘለዋ መጽሓፍ’ያ። ነታ መጽሓፍ ብዙሓት ዘየንበቡዋ ሰባት ስለ ዘለዉ ድማ ኣብ ዛራ ጥበባት ክንዝርግሓ ወሲንና። ደራሲ እስጢፋኖስ ሓኔታ እትብል መጽሓፍ ክትርጕም ከሎ ሕጂ’ውን መቓብር ህሉዋት ዘርእስታ መጽሓፍ ጽሒፉ ኣሎ። ሰናይ ንባብ።

ቴለፎን ደራሲ ኖርወይ፡ 004796661436፡ 004735600081