መተዓብይቲ

• 3ይቲ ዕውትቲ ውድድር ግጥሚ ዛራ ገጠምቲ 2015 ተሻላሚት 150 ዶላር

መተዓብይቲ ብዕራይን ፈረስን

 ቅርበቶም ጎረሮን ትንፋስን

 ነቲ ማሙቕ ናብራ ደምበ

 ነቲ ዕንደራ ጸወታ ደገ

ሰኒዶም ከይተማነዉ

ብሓንሳብ ኣለና እናበሉ

ፋሕ ኣቢላቶም ህይወት

ህይወት ዘይተኣማኒት።

 በበይንኻ ምንባር ምስ ለመድዎ

  ሓደ እዋን ዘይሓሰብዎ

  ኣራኺባቶም መሊሳ

  ኣብ ዕዳጋ እንስሳ።

  ብዕራይ ተጠሚሩ

   ኣብ ካሮሳ ተሰቒሉ

   ኣንፈቱ እንድዕሉ

   ጋሻ ደበና ኣጽሊሉ።

  ኣሳሳዪ ጉዳዮም ከም ኣመሉ

 ተረፍ ዕርቡን ክዓጹ ተፈልዩ

ብዕራይ ነታ ዕድል ተጠቒሙ

ንፈረስ ሕሹኽ ክብሎ ወሲኑ።

ፈረስ ዓርከይ መተዓብይተይ

ኣባኻ ወዲቓ ላ ህይወተይ

ካብታ ተዋዲዳ ዘላ ካራ

ኣድሕነኒ ሓደራ።

ሓሳባቱ ምስ ጠርነፈ ክልምኖ

ፍጻመ  ስዒቡ ምእማኑ ዝሰኣኖ

 ፈረስ ንፋስ፡ ክቕድም ተሃንፊፉ

 እቲ ዋና ተዓኒዱ ተሪፉ።

     ትርግታ  ዘመን